ஜூலை 29, 2025 – சென்னை: “Indian cricket team batsman Abhishek Sharma Tops ICC T20I Batsman Rankings”
டி20 தரவரிசை புதுப்பிப்பு: உலக நம்பர் 1 டி20 பேட்ஸ்மேனாக இந்தியாவின் அபிஷேக் சர்மா முன்னேற்றம்! சர்வதேச கிரிக்கெட் கவுன்சில் (ஐ.சி.சி) வெளியிட்டுள்ள ஆண்களுக்கான புதிய டி20 தரவரிசையில், இந்திய பேட்ஸ்மேன் அபிஷேக் சர்மா சிறப்பாக முன்னேறி முதலிடம் பிடித்துள்ளார். இதன் மூலம், இந்தியா மீண்டும் உலக டி20 கிரிக்கெட்டில் தன்னை தலைசிறந்த நாடாக நிலைநிறுத்தியுள்ளது.
மும்பையில் கடந்த இங்கிலாந்து அணிக்கு எதிரான தொடரில் அபிஷேக் சர்மா சதம் அடித்து கவனம் ஈர்த்தார். அதன் பின் வெஸ்ட் இண்டீஸ் தொடரிலும் அவர் தனது ஆட்டத் திறமையை நிரூபித்து, உலக தரவரிசையில் முன்னேறியுள்ளார்.
17 டி20 போட்டிகளில் விளையாடியுள்ள அபிஷேக், 535 ரன்களை 193.85 ஸ்ட்ரைக் ரேட்டில் குவித்து இருக்கிறார். இதுவரை அவர் 2 சதங்கள் மற்றும் 2 அரைசதங்களைப் பதிவு செய்துள்ளார். ஏற்கனவே டாப் 10 பட்டியலில் இடம் பிடித்திருந்த இவர், இப்போது 829 ரேட்டிங் புள்ளிகளுடன் உலகின் நம்பர் 1 டி20 பேட்ஸ்மேனாக உயர்ந்துள்ளார்.
இதுவரை முதல் இடத்தில் இருந்த ஆஸ்திரேலியாவின் டிராவிஸ் ஹெட், சமீபத்திய தொடர்களில் குறைந்த திறமையே வெளிப்படுத்தினார். இதனால் அவர் 814 புள்ளிகளுடன் 2வது இடத்திற்கு சரிந்துள்ளார்.
அபிஷேக் சர்மா, டி20 பேட்ஸ்மேன்கள் தரவரிசையில் முதலிடம் பிடித்த மூன்றாவது இந்திய வீரர் என்ற பெருமையைப் பெற்றுள்ளார். இவருக்கு முன்பு விராட் கோலி மற்றும் சூர்யகுமார் யாதவ் ஆகியோரும் முதலிடம் பிடித்திருந்தனர்.
தரவரிசை முக்கிய தகவல்கள்:
- அபிஷேக் சர்மா (இந்தியா) – 829 புள்ளிகள்
- டிராவிஸ் ஹெட் (ஆஸ்திரேலியா) – 814 புள்ளிகள்
- அபிஷேக்: 17 போட்டிகள், 535 ரன்கள், 193.85 ஸ்ட்ரைக் ரேட்
- இந்தியா சார்பில் டி20 தரவரிசையில் நம்பர் 1 இடத்தைப் பிடித்த 3வது வீரர்
இந்த சாதனையின் மூலம், இந்திய டி20 அணியின் ஆட்ட வலிமையை உலகளவில் மேலும் உறுதிப்படுத்தியுள்ளார் அபிஷேக். இது விரைவில் நடைபெற உள்ள உலகக் கோப்பை தொடரில் இந்திய அணிக்கு உற்சாகத்தை வழங்கும் என்ற எதிர்பார்ப்பு உள்ளது.”Indian cricket team batsman Abhishek Sharma Tops ICC T20I Batsman Rankings”
Leave a Reply