ஆகஸ்ட் 15 சுதந்திர தினம் – NSE, BSE பங்குச் சந்தைகள் மூடப்படும்!

மும்பை / நியூடெல்லி:
இந்தியாவின் முன்னணி பங்குச் சந்தைகள் தேசிய பங்குச் சந்தை (NSE) மற்றும் மும்பை பங்குச் சந்தை (BSE), சுதந்திர தினமான ஆகஸ்ட் 15, 2025 வெள்ளிக்கிழமை அன்று முழுமையாக மூடப்பட்டிருக்கும்.

பங்கு வர்த்தகம் இல்லை – எந்த பிரிவுகள் மூடப்படும்?

சுதந்திர தினத்தையொட்டி, NSE மற்றும் BSE-இல் பின்வரும் பிரிவுகளில் வர்த்தகம் நடைபெறாது:

இக்விட்டி (Equities)
இக்விட்டி டெரிவேட்டிவ் (Equity Derivatives)
SLB (Securities Lending & Borrowing)

மூன்று நாட்கள் சந்தை மூடல்

ஆகஸ்ட் 15 வெள்ளிக்கிழமை பொது விடுமுறை என்பதால், அதனைத் தொடர்ந்து வரும் ஆகஸ்ட் 16 (சனிக்கிழமை) மற்றும் ஆகஸ்ட் 17 (ஞாயிற்றுக்கிழமை) ஆகிய வார இறுதி நாட்களிலும் சந்தை மூடப்பட்டிருக்கும்.

இதனால் பங்குச் சந்தையில் வர்த்தகம் மீண்டும் ஆகஸ்ட் 18, 2025 (திங்கட்கிழமை) அன்று தொடங்கும்.

Gold Price| தங்கம் விலை சரிவு – நகை பிரியர்களுக்கு இனிய செய்தி!

2025 ஆம் ஆண்டுக்கான https://www.nseindia.com/, BSE முக்கிய விடுமுறை நாட்கள்

அதிகாரப்பூர்வ வர்த்தக விடுமுறை பட்டியலின்படி, இந்த ஆண்டில் மொத்தம் 14 வர்த்தக விடுமுறை நாட்கள் உள்ளன.
அதில் முக்கியமானவை:

26 பிப்ரவரி – மகாசிவராத்திரி
14 மார்ச் – ஹோலி
31 மார்ச் – ஈத்-உல்-பித்ர்
10 ஏப்ரல் – ஸ்ரீ மகாவீர் ஜெயந்தி
14 ஏப்ரல் – டாக்டர் பாபா சாகேப் அம்பேத்கர் ஜெயந்தி
18 ஏப்ரல் – நல்ல வெள்ளி
1 மே – மகாராஷ்டிரா தினம்
15 ஆகஸ்ட் – சுதந்திர தினம் / பார்சி புத்தாண்டு
27 ஆகஸ்ட் – விநாயகர் சதுர்த்தி
2 அக்டோபர் – காந்தி ஜெயந்தி / தசரா
21 அக்டோபர் – தீபாவளி (லட்சுமி பூஜை) – முஹூரத் டிரேடிங் நடைபெறும்
22 அக்டோபர் – பாலி பிரதிபடா
5 நவம்பர் – குரு நானக் ஜெயந்தி
25 டிசம்பர் – கிறிஸ்துமஸ்

சமீபத்திய சந்தை நிலவரம் (ஆகஸ்ட் 14, 2025)

சென்செக்ஸ்: 80,625.28 புள்ளிகளில் தொடக்கம் (+85.37 புள்ளிகள்)
நிப்டி: 24,607.25 புள்ளிகளில் தொடக்கம் (-12.10 புள்ளிகள்)
காலை 9.25 மணியளவில் சென்செக்ஸ் 80,656.21 புள்ளிகளாகவும், நிப்டி 24,651.30 புள்ளிகளாகவும் விற்பனை நிலவரம் காணப்பட்டது.

முதலீட்டாளர்களுக்கான அறிவுரை

சுதந்திர தின விடுமுறை மற்றும் வார இறுதி காரணமாக மூன்று நாட்கள் சந்தை மூடப்படும் என்பதால், பங்கு வாங்குதல் அல்லது விற்பனை செய்வதற்கான திட்டங்களை இன்று (ஆகஸ்ட் 14) முடித்துக் கொள்ள நிபுணர்கள் பரிந்துரைக்கின்றனர்.