சர்க்கரை நோயாளிகளுக்கு கோவக்காயில் ஜூஸ் !

சர்க்கரை நோயாளிகளுக்கு ஏற்ற காய்கறிகளில் கோவக்காயும் உண்டு.

கோவக்காயில் இரும்பு சத்து உள்ளது என்பதால் இதை சாப்பிடுபவர்களுக்கு உடல் சோர்வு நீங்கி, நீண்ட நேரம் செயலாற்றும் திறன் கிடைக்கிறது.

வாரத்தில் இருமுறை கோவக்காய் பொரியல், கூட்டு போன்றவற்றை செய்து சேர்த்து சாப்பிட்டு வந்தால் செரிமான கோளாறுகள், மலச்சிக்கல் பிரச்சனை தீரும்.

உணவு கட்டுப்பாட்டுடன் உடற்பயிற்சி செய்து உடல் எடையை குறைக்க நினைப்பவர்கள், உடலுக்கு தேவையான பல சத்துகள் கொண்ட, கொழுப்பை கரைக்கக்கூடிய கோவக்காயை உணவில் அதிகம் சேர்த்து சாப்பிட்டு வருவது உடல் எடையை குறைக்க உதவும்.

சர்க்கரை நோய் உள்ளவர்கள் அடிக்கடி கோவக்காய் சாப்பிட்டு வந்தால் ரத்தத்தில் சர்க்கரையின் அளவை கட்டுப்பாட்டுடன் வைக்கலாம்.

கோவக்காய் பெருங்குடல் மற்றும் ஜீரண உறுப்புக்களில் தேங்கும் கழிவுகளையும், நச்சுக்களையும் வெளியேற்றுகிறது. எனவே வயிற்றில் புற்று நோய் ஏற்படாமல் இருக்க உணவில் அடிக்கடி கோவக்காய் சேர்த்து சாப்பிட வேண்டும்.

இதய நலத்திற்கும் , ரத்த அழுத்தத்தை சீரான நிலையில் வைக்க, இதயத்திற்கு சரியான அளவில் ரத்தம் சென்று வர கோவக்காயில் நிறைந்திருக்கும் பொட்டாசியம் உதவுகிறது.

வழக்கமாக செய்யும் கோவைக்காய் பொரியல் அல்லாமல் புதிதாக கோவக்காயில் ஜீஸ் செய்து பார்க்கலாம்.

தேவையான பொருட்கள் :

கோவைக்காய் – 1 00 கிராம்

இஞ்சி – 1 துண்டு

எலுமிச்சை சாறு – 1/2 மூடி

கொத்தமல்லி தழை – 1 கைப்பிடி

கறிவேப்பிலை – 2 இருக்கு

உப்பு – 1 சிட்டிகை

செய்முறை :

முற்றாத நடுத்தரமான கோவைக்காயை வாங்கி , சுத்தமாக கழுவி , பழுத்த பழங்களை நீக்கி விடலாம். தரமானவற்றை

பொடியாக நறுக்கி கொள்ளவும்.

மிக்ஸியில் இஞ்சி துண்டு, கொத்தமல்லி , கருவேப்பிலை , உப்பு எலுமிச்சை சாறு கலந்து நைசாக அரைத்து கொள்ளவும்.

உடல் எடை குறைக்க முயற்சி செய்பவர்கள் இதனை காலை உணவாக குடிக்கலாம். உடலின் கழிவுகள் வெளியேறி விடும் மேலும் உடலில் உள்ள தேவையற்ற கொழுப்புகளை கரைக்க உதவும். எனவே விரைவில் உடல் எடை குறையும்.