தலைவலியா இதை செய்து பாருங்கள்!

தலைவலியும் , பல்வலியும் தனக்கு வந்தால் தான் தெரியும் என்று பழமொழி இருக்கும் போதே புரிந்து கொள்ள வேண்டும் தலைவலி எத்தனை கொடுமையானது என்று.வேறு ஏதேனும் தீவிர காரணங்களால் வரும் தலைவலிக்கு கண்டிப்பாக உரிய மருத்துவச் சிகிச்சை வேண்டும். ஆனால் சைனஸ் , டென்ஷன் , வெயில் , பதட்டத்தால் வரும் தலைவலிகளுக்கு மாத்திரைகளை எடுத்துக் கொள்ளாமல் கை வைத்தியம் மூலம் தீர்த்துக் கொள்ளலாம்.

சம பங்கு இஞ்சிச் சாறு மற்றும் எலுமிச்சைச் சாறு கலந்து குடிப்பது தலைவலியைக் குறைக்கும். இஞ்சி இரத்த நாளங்களின் வீக்கத்தைக் குறைக்கும்.

சுக்குப் பொடியை தண்ணீரில் கலந்து தலையில் பத்து போடலாம்.

பெப்பெர்மிண்ட் எண்ணெயின் மணம் மூளையின் தசைகளைத் தளர்த்த உதவுகிறது. மூன்று துளி பெப்பெர்மிண்ட் எண்ணெயை ஒரு டேபிள்ஸ்பூன் ஆல்மண்ட் எண்ணெயோடு கலந்து தலையிலும், பின்னங்கழுத்திலும் தடவி தலைவலியில் இருந்து நிவாரணம் கிடைக்கும்.

இலவங்கப் பட்டையைப் பொடி செய்து நீர் கலந்து நெற்றியில் தடவினால் தலைவலி குறையும்.

கிராம்புப் பொடியை முகர்ந்தால் சுறுங்கி இருக்கும் இரத்த நாளங்கள் விரிவடைந்து தலைவலி சரியாகும்.

இரு துளி கிராம்பு எண்ணெயை ஒரு டேபிள்ஸ்பூன் தேங்காய் எண்ணெயில் கலந்து கடல் உப்பு சேர்த்து நெற்றியில் மிதமாக மசாஜ் செய்தால் தலைவலி சரியாகும்.கிராம்பில் உள்ள வேதிப்பொருட்கள் சிறந்த வலிநிவாரணி.

நான்கு துளசி இலைகளை ஒரு கோப்பை கொதிக்கும் நீரில் போட்டு மிதமான தீயில் சிறிது நேரம் விடவும். பின்பு தேன் சேர்த்து அதனை அருந்தவும்.

சைனஸ் தொல்லையால் தலைவலி என்றால் திருநீறை நீரில் குழப்பி வலி உள்ள இடங்களில் தடவ வேண்டும். விபூதியானது நீர்க்கோர்வையை உறகஞ்சிக்கொள்ளும்.

மக்னீசியம் குறைபாடு தலைவலியோடும், ஒற்றைத் தலைவலியோடும் நேரடித் தொடர்புள்ளது. ஆகவே பாதாம், எள், ஓட்ஸ், முந்திரி, முட்டை, பால், சூரியகாந்தி விதைகள் போன்றவை அதிக மக்னீசியம் கொண்டவை, எனவே இவற்றை உட்கொண்டால் தலைவலிக்கு உடனடியாக பலனளிக்கும்.

தலைவலியால் அடிக்கடி அவதிப்படுவோர் தினமும் காலையில் ஒரு டேபிள்ஸ்பூன் தேனை மிதமான சூட்டில் உள்ள நீருடனும், 2 டேபிள்ஸ்பூன் தேனை உணவு உண்பதற்கு முன்பும் அருந்த வேண்டும்.